عادي ، عادي ، عادي ...
كل شي صار عادي ...
الحياة صارت مش سهلة ...
و العمر راح عالفاضي .

ما في عنا وطن ...
ما في عنا أمن ...
حتى في هالحياة الزمن ...
عم يسرع فينا و ماضي .

ما في عنا حباب ...
ما في عنا صحاب ...
الكل صار أغراب ...
و ما عاد في حدا راضي .

ما في عنا رغيف ...
و كتير في مصاريف ...
و الشاطر الحريف ...
يلي بيسرق و يعادي .

ما في عنا بيوت ...
و الكل عم بيموت ...
و ما بينفع السكوت ...
يا رب خلص بلادي .

الدغري صار مهيون ...
و دموعه في العيون ...
و عليه كتير ديون ...
و بيقولوا كل شي عادي .